Introduction
導言
1
人民ê意志
1990年3月，為著欲抗議解嚴了後ê總統選舉，猶是hōo 「萬年國代」代表人民來投票，由大學生、民間社團為主ê民眾，tī中正紀念堂發起集會，後來kā這叫做「三月學運／野百合學運」。
（臺灣新生報／國史館）
一般人敢有法度去改變歷史？
1996年3月23彼一日，當當(tng-tong) tsiânn濟台灣人行入去投票所ê時，無定著𪜶mā感覺家己當teh創造歷史。彼工，台灣島舉行頭一擺ê總統直選，有超過1千萬人uì家己ê厝裡行出去，kā彼張選票投落去。
國際媒體齊(tsiâu)來到地，𪜶對這个新興ê民主國家是不止仔好玄。
國際媒體齊(tsiâu)來到地，𪜶對這个新興ê民主國家是不止仔好玄。
才tī無偌久進前，這个國家猶閣予戒嚴法令箍牢leh
——uì 1949年開始，實施有38冬hiah-nī-á久ê戒嚴令。也就是講， tī-leh彼段時間內，人民表達政治意見ê權利是有限制ê，袂當自由去辦報紙抑是成立政黨；閣較早前彼時，若是批評執政者、表達無仝款ê政治意見，就有可能會予人掠去監獄關起來，甚至連性命都會無去。
一直到1987年，箍tī台灣人身軀頂ê戒嚴令總算是剝落來ah。
毋過tī紲落來無到10冬ê時間內底，台灣就經歷uì獨裁到民主ê轉型過程，就若像少年人轉骨仝款。
有人講，這是奇蹟。
毋過tī紲落來無到10冬ê時間內底，台灣就經歷uì獨裁到民主ê轉型過程，就若像少年人轉骨仝款。
有人講，這是奇蹟。
如果我們把時間再拉長一點，這個變化看起來更讓人驚訝。從 17 世紀開始，臺灣屢次政權更迭：從荷蘭、西班牙的殖民統治，到鄭成功所建立的政權；從大清帝國的邊陲地帶，到日本帝國的海外殖民地，再到國民黨政府的威權統治。每一次新的政權來臨，都曾伴隨了程度不一的暴力、壓迫，以及人們浴血的抵抗。
Diego Ruschel / public domain
這是近代國家進入臺灣的第一步，卻也對在地平埔族帶來改變。
Jan van Baden / public domain
鄭軍圍攻熱蘭遮堡將近一年後荷蘭投降。荷蘭聯合東印度公司的臺灣長官揆一所著的《被遺誤的臺灣》書中描繪此景。
《平定臺灣戰圖》 / public domain
在其統治期間，民間的暴力與反叛事件不時發生。圖中的林爽文事件是臺灣規模最大的反清事件。
《史蹟調査報告 第1輯 北白川宮能久親王御遺跡》 / public domain
《馬關條約》簽訂後，日本派遣近衛師團接收臺灣，與各地的反日武裝爆發衝突。圖為師團登陸澳底（今三貂角）後所攝。
黃榮燦〈恐怖的檢查〉 / 臺南研究資料庫 / CC BY 3.0 TW
行政長官公署作為管治臺灣的官方機構，統治期間卻問題頻頻，最終引發二二八事件，大量民眾遭到軍隊的無差別屠殺。
1990年代，tī蘇聯這个政治體制解散去了後，民主制度就若像是未來愛行ê彼條路。猶毋過，tī-leh亞洲suah有無仝款ê聲音，有人主張民主kah人所講ê「亞洲價值觀」袂對同，對亞洲國家來講並無合軀。Tī這款背景之下，台灣ê選舉就hōo人看起來tsiânn特別、mā tsiânn關鍵。
有tsiah-nī-á濟擺hōo人殖民ê經驗，有影是hōo人想袂到會有這一工，tī-leh這座島嶼ê人民，會當一票仔一票、和和氣氣來選出家己ê政治領袖，發出家己ê政治意見，決定家己ê國家欲行向佗位去。
是講，這確確實實已經發生ah。按彼時開始，隔4冬，𪜶就會閣像按呢，閣舉行一擺總統選舉，紲落來4冬選一改，一直選落去。
𪜶毋但選總統niâ，mā選縣市長，選村里長，選民意代表，甚至舉辦各種ê公民投票。𪜶teh學kā民主當做是生活ê一部份。
民主毋是奇蹟，伊是一場ma-lá-sóng，著愛有久長ê堅心kah隨時接紲去調整。
對tsiânn濟頭一擺參與選舉ê人來講，投票ê過程看起來真四常，頓票ê時間mā不止仔短。猶毋過這款看著(to̍h) tsiânn簡單ê行動，落尾suah會當聚集hiah-nī大ê力量來決定台灣ê命運。
歷史有當時仔kah選舉不止仔𫝛款，是tsiânn逐个人看起來無啥物了不起ê意志kah行動所敆起來ê，是講， tī-leh票聲猶未開suah進前，無人知影結果是啥物。
3月23 ê暗頭仔，選舉ê結果出來ah，580外萬人kā選票頓hōo代表國民黨來參選ê李登輝，伊用54％ ê得票率，成做tī台灣有史以來頭一个民選ê總統。彼暗，tī李登輝ê競選總部頭前，旗仔是颺颺飛，現場沖沖滾(tshiâng-tshiâng-kún)。
人民展現出家己ê意志。
下一節：
在帝國的陰影下
捲動來繼續瀏覽
2
Tī帝國ê暗影下跤
1958 年 8 月 23 日，中共ê軍隊用炸彈磅金門，軍民隨發起支援前線ê運動。
（國家電影及視聽文化中心典藏／開放博物館）
猶毋過，台灣ê民主mā毋是一个全lóng光明兼樂暢 ê成功故事。
Tī 1996年欲選舉進前，戰爭ê烏雲一直tī台灣海峽ê頂頭teh滾絞。
1995年7月，李登輝以中華民國現任元首ê身分去訪問美國，而且閣tī伊ê母校Cornell大學發表「民之所欲，常在我心」ê講演。對岸ê中華人民共和國因為按呢就來做出激烈ê反應，tī-leh台灣海峽附近進行一个過一个ê軍事演習。Tī前一冬，有一本號做《一九九五閏八月》ê冊，賣甲削削叫，mā hōo臺灣社會起絞龍。
冊內底共中共欲攻臺灣ê計畫kah過程，寫kah不止仔細詳。按作者ê講法，中共tī臺灣已經準備誠久去ah，等待總統大選彼一工——所稱êＴ日零時，就欲做伙發動攻擊，一睏頭共臺灣捎落來。
「Ｔ日零時前十分鐘：臺灣各個重要的政府機關，廣播通訊中心，機場港口，都遭到身著制服的軍警人員，宣布因應選舉結果的可能造成的混亂，奉命進行強力接管。中正機場、小港機場迫降的民航機，湧出全副武裝的軍警人員，配合內應，控制機場⋯⋯」
軍事專家對書中預言嗤之以鼻，但這些臺海戰爭具體而微的描述，顯然觸動許多人的敏感神經，加深社會不安的氛圍。
1996 年 3 月，就在總統大選的同一個月，中共進行了一次軍事演習，對臺海試射飛彈。
同一時間，美國派遣兩支航空母艦戰鬥群繞行臺灣海峽。戰爭似乎一觸即發。那一年，股市大跌，不少人選擇了移民海外。
選舉雖然是一个國家ê公民teh展現家己政治意志ê時陣，總是，𪜶猶原mā愛考慮著各種ê條件kah理路。面對外在環境ê挑戰kah威脅，台灣選民姑不而將著愛tī-leh自身ê意願kah現實ê情況這兩爿面，去揣著一條兼顧會著ê路來行。
欲理解台灣ê歷史，著愛去考慮地緣政治ê影響。台灣ê地理條件，hōo伊tī東亞地區成做tsiânn重要ê戰略位置。Uì冷戰彼當陣，台灣就是「自由中國」teh對抗共產主義ê拍頭陣所在，一直到今仔日，坐tī-leh美中雙棚鬥ê頭前面，台灣ê歷史自頭到今lóng kah國際ê局勢有剝袂離ê關係，所以著愛去揣閬縫，想辦法活落來。
下一節：
分裂的主張 分歧的記憶
捲動來繼續瀏覽
3
分裂ê主張、分歧ê記持
1996 年《第九任總統副總統選舉公報》，四組候選人隨人所代表ê是無仝ê政治彩色。
（中選會）
1996年ê選舉，kā台灣社會內部無仝ê立場，mā齊(tsiâu)搤 (iah) 搤出來。
彼一冬ê 4組候選人，隨人代表無仝ê族群背景、政治理念，猶閣有對台灣未來ê願望。Uì主張統一到倚向獨立，uì強調對中國ê認同到顯示台灣ê主體性。咱對正面來kā看，這款現象展現出台灣社會ê多元性，mā反映出台灣複雜ê政治色彩。
Kah李登輝同齊競選ê彭明敏，少年ê時tī法國留學。伊ê學術背景kah國際眼界，提供伊tsiânn豐富ê養份來起造伊ê政治理念。不而過，也就是遮ê理念，hōo伊tī-leh威權統治ê年代，去受著政治ê迫害。
1964年，彭明敏kah伊ê學生同齊發表ê《台灣人民自救運動宣言》，若響雷仝款驚動台灣社會。這份宣言主要有三个核心主張：
01
確認「反攻大陸」為不可能，呼籲推翻蔣政權，團結全臺灣人民，不分省籍，共同建設新的國家和政府。
02
重新制定憲法，保障基本人權，建立對國會負責的有效政府，實現真正的民主政治。
03
以自由世界的一員身分重返聯合國，與所有愛好和平的國家建立邦交，為世界和平貢獻力量。
1966 年 11 月 20 日，翻譯成英文版的《臺灣人民自救運動宣言》躍上紐約時報，斗大標題上寫著「福爾摩沙人的福爾摩沙」（Formosa for Formosans）。
這份宣言直接去挑戰著國民黨政權ê合法性kah統治基礎，mā為台灣ê未來畫出一幅全然無仝ê藍圖。因為發表這份宣言，彭明敏hōo人掠去關。
逃亡海外30冬後，彭明敏轉來故鄉，心內所堅持ê理念kah當初時仝款，伊代表民進黨參加選舉，mā代表更加激烈欲台灣獨立ê立場，kah其他候選人ê主張，有tsiânn明顯ê無仝。
陳履安
李登輝
彭明敏
林洋港
loading...
台灣ê未來應該欲按怎行？台灣愛離中國偌遠才妥當？台灣kah中華民國ê牽磕(khan-kha̍p)又閣是啥物？Tī-leh未來ê選舉當中，親像這款ê疑問，定著會一改閣一改現出來hōo人互相爭論，而且閣會諍(tsènn)袂離。
台灣社會內部這款無仝ê立場，根頭就tī這座島嶼ê人民，隨人有無仝ê歷史經驗。
1949年國民黨政府來臺灣ê時，mā kā規龐ê移民做伙𤆬過來。這改ê搬徙毋但帶來新ê人口爾，mā kā新ê文化、語言和政治理念紮過來。伊帶來省籍ê矛盾，造成複雜ê族群關係。
1990年代，是台灣族群政治ê高峰，不時會聽見人teh講台灣有四大族群——外省人、本省人、客家人、原住民，每一个族群lóng有家己特有ê歷史記持kah文化認同。
事實上，台灣ê族群議題是比「四大族群」閣較複雜濟leh。Tsîng有歷史進前，uì外口遷徙來這座島嶼蹛ê款勢(khuán-sè)，就若海湧仝款，一波過一波。Uì上早前ê南島語族先民，到明清彼時ê漢人移民，再閣到日本時代ê日本人、二戰了後所搬來ê外省族群，每一擺徙來遮蹛ê人，lóng kā新ê文化元素紮來到這塊島嶼。
這款多元ê族群結構，hōo無仝ê族群對歷史事件會有無仝款ê解讀kah記持。譬論講，對二戰ê記持，外省人kah本省人就可能有全然無仝ê看法。原住民就有可能對漢人侵門踏戶佮搶土地ê代誌，共同有痛苦ê記憶。
面對 tsiah-nī多元閣複雜ê社會結構下跤，欲按怎來講一个有共識ê歷史故事，就成做台灣社會所愛去面對ê大挑戰。
若準過去無做伙行過，咱敢有法度做伙行向未來？
下一節：
苦悶的歷史
捲動來繼續瀏覽
4
苦悶ê歷史
臺灣地方自治聯盟所發起人大會
（wikimedia / public domain）
1964年，彭明敏發表《台灣人民自救運動宣言》ê仝彼冬，tī日本流亡ê台灣智識份子王育德，用日文來出版《台灣：苦悶ê歷史》這本書，過足濟年了後，這本冊才正式tī台灣出版，其實冊是真早進前就hōo人翻譯做華文，tī各地私底下teh流傳ah。
凝心kah悲慘、目屎kah血汗。Tī-leh拗鬱、受壓制ê年代內底，這款描途，就成做理解台灣歷史主要ê視角。
是講，台灣敢干焦有凝心、苦悶ê歷史niâ？
時勢有較開放了後，咱mā沓沓仔知影，台灣ê歷史內底雖然有不止仔長ê時間有影是tsiânn鬱悶，是講，生活tī島裡ê這陣人，mā捌大膽去冒險、也會去追求夢想，閣較是捌勇敢去抵抗，mā捌是充滿著笑容kah希望。
Tī過去ê幾百冬內，leh 寫臺灣ê歷史，嘛捌有無仝階段ê發展。Uì 17世紀歐洲人ê旅行記錄，到清朝ê官員所編ê地方誌，才閣到日本學者所研究ê民族誌，每一个時代lóng有家己去看待歷史ê角度。
20世紀ê頂半階段，日本學者伊能嘉矩所寫ê《臺灣文化志》，毋但為臺灣ê歷史留落來豐富閣幼路ê素材，伊ê觀察佮分析，到今猶誠濟人咧引用；tī臺南出世ê史學家連橫，就用一部《臺灣通史》系統性來書寫故鄉ê歷史。
（余文儀續修《續修臺灣府誌》／國立臺灣歷史博物館）
1685
年
臺灣知府蔣毓英、諸羅知縣季麒光等編修《臺灣府志》，以此宣示清帝國併有臺灣的政治事實，也是清領臺灣以來現存最早的地方志，開啟了官修志書的濫觴。
.webp)
1928
年
伊能嘉矩的遺著《臺灣文化志》出版，其將臺灣放在世界的脈絡下研究，結合人類學考察背景，堪稱臺灣文化的百科全書，在臺灣學研究中有著舉足輕重的地位。
（財團法人史明教育基金會）
1962
年
史明完成《臺灣人四百年史》，其書從左派人民史觀出發，呼喚臺灣民族意識，是戒嚴時期許多黨外運動者認識臺灣史的啟蒙。
（臺灣通勤第一品牌／老葉）
1997
年
國立編譯館編撰《認識臺灣》教材，大幅增加臺灣歷史、地理在課程中的篇幅。
20世紀ê後半階段，台灣歷史漸漸仔成做是專業學術研究ê對象，tī-leh各世代ê學者來投入了後，有tsiânn出擢(tshut-tioh) ê成果，毋是干焦傳統ê政治軍事歷史niâ，是開始teh注心tī社會、文化、環境等等遮ê新領域；新ê歷史材料hōo人發見出來，親像考古所出土ê物件、口傳歷史、文物資料、圖像等等，每一項lónghōo咱對台灣ê歷史，會當理解甲閣較透機。
每一个時代lóng有家己ê歷史。Tī這个時代，咱應該愛有啥物款ê台灣史？
下一節：
邁向新的臺灣史
捲動來繼續瀏覽
5
行向新ê台灣史
Tī紲落來ê章節內底，你會讀著一部重新思考kah書寫ê台灣史，是一陣台灣ê青壯年學者用新ê歷史框殼來同齊寫出來ê。這部台灣史有綜合過去30年來，對台灣歷史ê各種新研究kah新觀點。
是按怎tī這个時陣咱著愛來編一部新ê台灣史？
答案tsiânn簡單：因為舊ê彼款講歷史ê方式，已經無才調符合現此時咱所欲愛ê。Tī-leh全球化、氣候變遷kah地緣政治劇烈teh變動ê目今，咱所欲愛ê是一種閣較活、閣較新，而且閣愛有現實感kah未來性ê歷史敘事。
咱期待這部台灣史，會當包含歷史資訊，mā會使hōo咱開竅；會當有學術來做底蒂，mā會使好看閣好讀。
這部台灣史是照時間ê順序來寫ê，猶毋過，咱是刁持無去用政權替換ê時間來做界線。這無代表政治無重要——每一个新ê政權踏入來這座島嶼ê時，lónghōo遮有驚天動地ê變化，留落來深刻ê痕跡；猶毋過有tsiânn濟現象kah時勢，是愛拍破政權ê界線來繼續存在ê。拍破政權ê界線來觀察歷史，咱就會當理解著長期teh形成、起造台灣ê這款力量，猶閣有彼寡閣較深刻ê變化。
這部台灣史，mā毋是干焦想欲tī智識有創新niâ，更加是想欲用歷史來回應咱這馬這个世界ê時勢kah挑戰。
用這款ê想法起行，咱ê故事主要是tī這三个核心概念來開展：海、島、人。
海
海，所代表ê是台灣kah世界ê連結、互動kah共鳴。
已經是全球化ê目今，欲理解一个所在是按怎kah外口ê世界teh交流，比過往任何ê時間閣較重要。臺灣史是世界史當中ê一橛，對早期南島語族ê遷徙、17世紀ê的海上貿易，到現此時ê半導體產業，臺灣自頭到尾，lóng 一直tī-leh全球網絡內底。
billlushana1 / CC BY-NC-ND 2.0
島
島，所強調ê是台灣特別ê地理kah生態系統。
呼應現時世界所追求ê永續發展，咱關心自然環境、動植物、疾病kah毋是人為ê因素，欲按怎tī歷史當中，去搬演每一个人ê角色，mā去注重人kah物之間ê交流、搬徙，猶閣有所形成ê網絡。
劉立綸 / CC BY-SA 4.0
人
人，是kā台灣社會多元ê身份經驗呈現出來。
欲按怎tī多元當中去揣著共識，tī差別中去建立認同，是現代社會愛去面對ê核心挑戰。臺灣ê歷史，是無仝族群ê交會kah共存，uì原住民到荷蘭人，uì閩南人到客家人，uì外省族群到新住民；猶閣有無仝性別kah階級ê歷史經驗，tī-leh認同政治愈來愈重要ê現此時，lóng是有伊特別ê意義。
總統府 / CC BY 2.0
海洋、島嶼、人群，這三个要素毋是干焦意象niâ，閣較是親像三抱索仔，互相密密做伙紡(pháng)出台灣ê歷史，mā成做這部新台灣史ê三大特色——世界史ê理路、多物種ê互動、多族群ê會合。
若án-ne，海島人ê歷史愛uì tī-sî來講起--leh？
毋是400冬，mā毋是4000冬，咱愛共時間來搝hōo較遠--leh，轉去到幾萬冬前，佇上早ê彼陣人出現tī 這粒島ê彼个時陣。
各章節將於 2026 年陸續發布，敬請期待
如果希望在新的章節發佈時第一時間收到通知，歡迎輸入您的 Email 來訂閱通知